新人事新作風

原本去旅行係想充下電，休息下，拋開下工作，點知遇政變-.-心情一d都唔輕鬆。放完假公司又有一番新境象，所謂新人事新作風，新Cdr上任三把火都唔止，可能對於要出外博殺的師兄師組們影響不太大，但對於我做內勤就唔同講法。

其實我都唔係打正adm，但係正庄adm早已收到風，新官的處事方法棘手非常，叫我有接手準備…….師兄….你唔係咁無雷呀!留下個爛攤子俾我。結果，一如所料，新官處事真係好「正」，不論做各式大小案件、申請大小活動，就簽連一張VL紙，都要引用PGO、PFM…..查考一番….結果我就迫於無奈做左”曲奇大師”--- 你估真係”烘下香D咩”?…..文件Files只會愈推愈多…..除左入camp，重有咩方法可以快d走到位? 我都知識人好過識字，我都係呻下算啦，寄望我之後平平安安唔好hi野入camp啦，我重博架….。

泰國政變之旅(下篇)

泰國政變之旅(下篇)

11月30日曼谷(Day 6/滯留第二天) :

計劃要行的地方都行哂，不斷咁打去航空公司問機位…不過星期日係無人聽…..今日都係留番係酒店唔好亂洗錢，去酒店游下水都好。食飽個早餐又再同酒店extend住宿，突然又係果個接待，攞左張收費單俾我地??咩唔係免費架咩?要收錢?係佢d英文差定係我英文差誤解，酒店新指示每人每日包3餐及2000baht，而酒店每日雙人房收4500baht，咁即係多左500baht要我地俾，但係又唔使即時俾，唔理啦，重有錢夠使。

理論完諗住返房瞓陣，Eeee….房門有封信?…會有人知我地係度住??…原來航空公司通知我地12月1號有機番香港。點解佢會知我係度住?可能係酒店有我地check-in記錄，點都好，可以返屋企了。結果又出左去shopping。

完結篇)

12月1日曼谷(Day 7/滯留第三天/回港) : 

朝早一起身就打去航空公司問，香港同泰國兩邊confirm係咪今晚6點有機走。Yes! confirm左，酒店check-out重有意想不到嘅事，真係免費呀，原來酒店第二日雙人房收3500baht，今次真係多謝泰國政府包我地食住兩日4星級酒店，哈哈。之後租車去芭提雅Uatapo機場，雖然我地本身1815機，不過都想早d去到確定機位。機埸係軍用，平時唔會開放俾公眾，不過今日就變身為聯合國難民營，紅十字會又有食物派，又有水派，好多人好熱鬧有記者，可能我已經上左BBC鏡添……哈哈。

晚上2215平安抵港!!有驚無險，不過聽到有港人因為座夜車去布吉車禍身亡，感到好難過，亦慶幸今次旅程遇到好多貴人幫忙，感謝主。

因為無漫遊，要覆番好多關心我的朋友，最意外係公司TSRO原來打左n次電話俾我，即刻打番俾阿sir同cdr報平安，到我後來番工先知道公司有出PEN，好在出發前有同同事講我去左泰國。唉!都唔知點解放大假都要打番公司= =”想放開下都唔得，重攰過返工。

小插曲):  

話說因為Uatapo機場太亂關係，連我地在內同機的港人，成二十幾夾行李遺失，唔知運左去邊個國家，我懷疑去左吉隆坡…..，全部手信都係入面呀，成幾千蚊架……報失左!希望搵得番啦!………結果，事隔五天，終於係零晨一點幾送番嚟屋企……香港效率真係高!!

泰國政變之旅(上篇)

2008-11-25 to 2008-12-01

首部曲) : 未出發先興奮

期待已夠既旅行終於都可以成行喇!真係等左好耐，３年？４年？差唔多啦！唔理，去左先算，去泰國jar…..就算係2人價錢1人同遊我都豁出去，要請埋偉大既母親大人去伴遊，唯有近排慳ｄ使！

次部曲) : 11月25號早機去Bangkok（Ｄay 1）

乘坐Oriental Thai Airlines，雖然機仔細細，都幾定，安全抵達曼谷機場。我地一早已計劃定會先去芭提雅享受陽光海灘之後幾日就去曼谷市中心購物。
酒店安頓好就週圍行下醫肚先，泰國正宗既冬陰功同我地平時係香港食開果隻味完全唔同，香好多，我地個個都食得辣鍾意飲冬陰功叫左幾個都未夠喉。
夜晚食完飯就去試下正宗泰式古法massage，唔係講笑，真係超正，同平時返大陸d按摩完全兩回事，大陸d人慌你唔死咁係咁用力咪落去，泰式就穴位按，話哂有考牌質素都有保證。

11月26日芭提雅珊瑚島(Day 2):

陽光海灘前就座20分鐘快艇，「櫈」到暈「拋」都人都癲，不過美中不足就係唔記帶潛水鏡，肉眼睇d水都好清。係無搽防曬之下(其實曬左不過落水就走哂>.<)，游左3個鐘水，即時變黑左!
就係芭提雅海鮮街，遇到5個香港人，就係佢地講曼谷機場封左，唔係化?半信半疑咁，番到酒店即刻睇電視，好似係真wo，不過開頭都唔知因咩事，以為係d工會搞事第二日會無事，所以都無打番嚟香港。

11月27-28日曼谷(Day 3-4):

唔嚟都嚟左，都係照計劃係曼谷既行程，行街shopping，做Spa，唐人街食翅。
夜晚終於忍唔住打番香港問下情況，出事啦! 先知今次大獲，阿媽重因為咁瞓得唔好添。阿媽係咁炸我型話點解唔去第二度…..打去航空公司問，無人聽，又講泰文……雞同鴨講……。好旁王唔知點算之際，好彩個fd之前買機票時留意到東怡有個駐泰國辦事處有個Agent電話，即打去試下，通重有人聽，唔單止，佢重有哂我地d資料，又識廣東話泰文，教我地下一步點做。Thanks God!

11月29日曼谷(Day 5/滯留第一天):

原本行程係今日朝早行埋逢星期六日先會開嘅跳蝨市場，不過今日都唔知走唔走到，我地都好驚會滯留因為第二日個個都要返工=.=。不斷打去航空公司問，航空公司覆就話要check下幾時先有機，因為有大量人走唔到，所以佢都唔知邊日有機可以俾我地走。At least可能要遲多3至4日先走得………..灰爆!!又要諗打番去同公司攞假……
係心情Down爆之際，又有小天使出現。咁啱我地住的酒店老闆娘係華僑，佢叫我地去另一間酒店住(Asia Hotel)果度而家收留左好多滯留泰國的旅客，重會免費包住宿…….咁正…..有無咁筍呀!佢重好到幫我地叫車送我地走。
到左Asia Hotel真係見到好多聯合國人，不過無一個係華人，想問都問唔到。係時侯發揮我無用幾年的港式英語，激死!佢好似唔知佢地酒店出左個收留滯留旅客指示咁，可能係新嚟…….講左十幾分鐘佢終於都如夢初醒，醒覺倒我地係滯留港人。Oh yeah…..今次掂!有得住4星酒店不突止，重包我地早午晚免費酒店自助餐。
嘩!!好明顯係出路遇貴人，阿老闆娘無老點我地，無昆我地繼續係佢度住，有機會下次去一定再幫襯佢。好囉!一天光哂，差打去公司攞假。我地就照計劃
行跳蚤市場，不過都唔敢大花筒洗哂d錢，始終都未firm邊日可以走。

人月團圓？

唔經唔覺又過左中秋啦，因為要返夜關係，就喺工作中渡過，比平日忙足十倍，重要拉人煲蠟，下年一定要篤假。

每年中秋，例牌聽到甚麼「人月兩團圓」之類嘅廣告對白，久而久之，令到一ｄ好似我咁嘅人係中秋晚上見到個月光，就會有少少感寂寞，不過我覺得都係群眾壓力造成，所以寂寞，只維持了１０秒: P

長久以嚟對於人地講話要慶祝中秋，都有奇怪感覺，你話古時就要一家團聚，那２１世紀嘅人生活忙碌工作為先，團聚個意義就細左好多。

以前細個，我地一家人食完飯就會買定好多生果，出街賞月，最重要係可以玩蠟燭（唔係煲），重有真係玩燈籠（紙製）．．．

時代唔同，而家可能同家人食完飯就９秒９閃，約ｆｄ去行街ＢＢＱ，海灘煲蠟，玩嘅係螢光棒，燈籠？ＯＵＴ啦！我相信傳統月餅喺５０年後可能會失傳．．．
慶祝中秋，說穿了，不過係一個俾自己同朋友大吃大喝，玩餐勁嘅藉口。

徐仔

徐仔, 是我學院的ACI, 也是我的偶像. 她外表冷酷, 還記得第一次在O day見她, 那兇悍目露兇光的眼神, 又不時對你瞪眼怒啤, 嘴角微微向上翹, 深藏不露, 像要將我一口吃掉, 但當她轉身與她的同事說話, 即時施展出國家級絕技- 變臉, 有說有笑, 四萬口形, 笑聲鏗鏘, 大而響亮, 說笑完畢, 再次施展國家級絕技, 板著臉, 面對殺父仇人般, 沉默而不作聲, 眼睛像對我們說, 看你們能撐多久, 我對她精湛浮誇演技嚇得目定口呆, 當天, 我全日都不敢正視她.

作為一位教官, 她的演技之如此出神入化, 我想劉嘉玲也應向她指教, 但對她久了, 才知她的板斧只有這些, 還是一位心地善良, 感性而有真材實料的一位教官. 每次上堂, 例必有一堆串我們的冷笑話, 聽到真是會爆笑出來, 而課後我們就拿她說過的說話串句說笑.....現在回想, 仍一臉難忘. 

她給我的印象又豈只這些, 她送給我們全班的幾首勵志歌, 特別是林子祥的"忘再悲", 每次聽起, 就立即使我想起學院的訓練以及對我們的感性訓話: 一生不如意事十常八九, 特別是做警察.....唔開心失意的時間一定比開心多.....這首歌陪伴她走過多少不如意的日子......., 現在, 當我工作常遇到不快, 當我心中哼起這首歌, 就想她對我們的激勵, 充滿回憶, 淚水差不多偷偷要從眼角滲出:

誰亦要經風與浪　誰遇挫敗不受傷 逝去的　莫再想　路正崎嶇更漫長
何用嘆息風裡望　寶貴光陰笑著量 愁和哀　風與霜　不會天天都探訪
用幻想　與夢想　編織那遠大理想  .....

寫得真好, 做警察是我的夢想, 所以我不會輕言放棄, 即使我現在遇到工作上百般壓力, 打開巴叻櫃看著全班合照, 想起她每句說話, 自然就會重新給我力量去振作, 堅守理想. 很慶幸她是我的教官, 而她,  在我受訓其間已成為我的偶像, 我尊敬的人, 我會以她為我的目標, 努力.  

昨天, 我們一行6人去了她家中打邊爐, 以前從沒想過關係可以這樣親切, 因為受訓期間我機乎每次上堂都給她破口大罵, 幸好我面皮夠厚才可畢業. 從她眼裡, 我已看不出有絲毫的殺傷力, 只有慈母的眼神, 親切的笑容, 當然仍保留她那說話不饒人的嘴巴~不過這樣才是我敬愛尊重的徐仔呀!