很久也沒分享過工作，但我老實答你，我．．．無話可說。
你可以問是否做得唔開心﹕係。
老闆仍舊不變，仍舊喜歡吹毛裘疵，雞蛋裡挑骨頭，蛋殼上挑花，簡單事情非常複雜化；而我仍舊admin，仍舊俾人睇唔起，仍舊每日幫同事draft Compliment時眼見自己個行為簿都係得兩張薄薄的紙，仍舊每日都收遲工，一切就彷彿我是一個被人老馮也不可說出半句不悅的阿四‧可惜，好多時我忍，但亦有時我爆(脾氣暴躁也)。
你可以問後生女唔應該怕蝕底怕做﹕係。我從來都認為怕蝕底、怕做不應當差，「出得嚟行就預左要還」所以我從來不怕做，做得多就快而準。
你可以問為啥唔向老闆講想轉下環境：講左。意見接受態度照舊，Unlawful Detained左一年又九個月的admin崗位，機械式的工作讓我覺得心灰，正因為老闆的MO.，每日寫字樓除了IC沙展，就只有我們2個，別人說警察最強的地方就是「人多」，阿頭都成日講，唔夠做就叫支援。但我這個位就是少了人氣，多了冷漠。每天工程多到做唔完，想與同事吹吹水也抽不了時間。
你又會問同事間相處有問題：唔係。我現在方明白到學堂阿蛇經常說的，驗身唔驗腦/書獃子，又或者是近日興起的名詞 – 80/90後。太過自我，太多要求，太想爭取自身利益，但似乎忘記這是紀律部隊。
小結：人生不如意十常八九，好多時都要「good」一聲吞下去，我IC雖然有好多時工作上都迷幻，但他都給我分享人生經歷，每人都有自己的長處和優點。我朋友也說過「千里馬常有，但伯樂不常有」我等待我伯樂出現，帶我離開同事口中的「古墓」 (因為寫字樓冷氣大老闆又怕凍又無人氣，似個死城咁)。
