發覺原來自己已好久沒寫blog，又在偷賴(maybe呱)
實情是我喺這段期間發生了一件影響我一生的事情，別亂猜~ 答案於「Timing不對 – 感情篇」
人生大事有好多種，認清自己也是大事之一(對我來說呀!)
不錯，工作上我可以肯定地說，我已經做了小隊上的正庄admin，記得上文說過老闆好嚴謹，現在仍舊嚴謹，但他的嚴謹忠於自己一套的風，已吹遍整個警署，我不是吹水，亦沒必要吹!佢有自己一套，但他的一套就是未為其他(普遍伙計)所接受，結果係咩? 咪大規模的小隊逃亡潮! (又一個識人好過識字的好例子)
唉!~ 只怪自己生不逢時，我都想轉下環境，TF/Vice就俾哂師兄，就連大家聽到名都覺得唔好做的dvit都無得loan，報案室又有大師姐坐陣，諗住train-up左個師兄做adm我就可以出番去行咇，人算不如天算，老闆又不是太buy師兄，Detain我唔俾我走，又何苦呢?! (可能我好食啲! 諗住表演上司的權威時我無又駁) 但我已經經常駁咀駁舌喇!何解呢? 最後，經我大探的頭腦分析，其實老闆係揀無可揀先會繼續要我侍候佢! 又難怪的! 本小隊已「升呢」到「軍裝重案交通反黑第x隊」所處理的案件已非軍裝case咁簡單…..我知大家有個疑問，case唔係老闆做的嗎? 又關admin咩事呢? 我都想知，全部都唔關我事，但老闆唔問AO/IO/EO…就要問我這個毛瓜單case係點點點點…睇到這裡，相信聰明的讀者都知道我個位為何會後繼無人，令人聞風喪膽。
不過亦非所有上級都迷幻(8個中只有2個上級係正常經已好好)，這個剛升級的沙展教了我處理好多file，也因為他使我對cid有興趣，清晰了工作前路，還差一年，向scic進發~
