話說經過大半年的忙碌工作，終於有時間和同事吹水閑聊，閑談間同事提起渣男。哪個渣男？就是害阿XX老闆要避走的那個。
同事A：我嗰日見到渣男拖住另一個女仔喎。
同事B：阿邊個是否仍然同渣男在一起呀？
同事A：係呀好似聽講話渣男為咗箍煲又接放工，又等佢云云，所以咪補番鑊囉，又同返佢一齊。
同事B：渣男咁花心點解阿邊個都繼續。
同事A：可能佢有啲個人之處你唔知呢？人揀你你揀人。
同事B：畀著我係渣男都唔放手啦，難得搵到個大水泡，梗係要咩法寶都出齊箍煲啦。
成熟穩重的同事C：渣男溝女其實真係好小事啫，畀著係以前。想當年我地點樣點樣追女仔呀，不過就點都唔會衰到搞未成年嘅。所以阿渣男都係唔抵幫㗎啦，難為阿邊個要繼續默默承受，不過係佢自己揀。我地之前提咗佢渣男信唔過，難聽啲講條路自己揀，仆街唔好喊。
我，沒有參與對話，亦不想聽到對話。
與其說男歡女愛是平常，那第一次被男人騙的叫傻；第二次當你知道那個男人是周圍食女的渣男後，仍然繼續甘心再被騙的叫蠢。是什麼讓一個好叻的女人變成了一個蠢女人呢？真愛嗎？或是各取所需？或許同事說得對，人揀你你揀人，他雖不是留得華，但你也不是周瘦娜，愛情當中實在不用那麼理智。
在我角度而言，渣男一次不忠百次不容，再說的謊言也都是為了補救，如果是真心愛一個人的時候，第一刻就不應犯錯不應出軌不應背叛，到東窗事發被人揭破就來過扮死求饒，乞求原諒。原諒過後，其實那個渣男仍然是那個渣男，腦子只想著下一步用什麼方法來暪騙那個蠢女人呢？正如就是為什麼會有那麼多罪犯被捕後仍然再犯案一樣，就是那個心存僥倖捉到我先算的心態。一個真正愛你的人，是不會讓喜歡的人受任何傷害，對感情要負責任，呃呃騙騙的我相信也談不上真愛。渣男，實在是件不值一提的垃圾，既花心也不負責任。到底那個她何時才會清醒呢？
沒有留言:
張貼留言